Suliffissaaleqisut pisiniarfinni sulisorineqartariaqarput

S.I.K-ip siulittaasua Jess. G. Berthelsen isumaqarpoq isunnusuttuaqqat pisiniarfinni sulisorinagit suliffissaaleqisut annertunerusumik pisiniarfinni sulisorineqarnissaat anguniarneqartariaqartoq:

- Pisiniarfinni inuusuttuaqqanik sulisoqarneq maannakkut ajornartorsiutaalerpoq, isumaqarpungalu inuusuttuaqqat atuakkaminnik allussisuussaasut pisiniarfinni sulinatik, Jess G. Berthelsen oqarpoq.

Jess. G. Berhelsen isumaqapoq inuusuttuaqqat angajoqqaaminnik pilersuisuusutut isikkoqaleriartortoq.

-Isumaqarpunga suliffissaaleqisut pisiniarfinni sulisutut atorluarneqartariaqartut, Jess G. Berthelsen oqarpoq.

Pisiffiup allaffissornikkut pisortaa Mikael Østergård ippassaq radioavisimut oqarpoq sulisut ilaqutallit piffissani suliffigiumanngisaanni inuusuttuaqqanik sulisoqartariaqartarnerarlutik. Jess, G. Berthelsen-ili isumaqarpoq ajornartorsiut tamanna aallatut aaqqissuussinikkut aaqqiivigineqarsinnaasoq:

-Suliffissaaleqisunt nunatsinni 8-procentiummat isumaqarpunga ajornartorsiut taanna sulisut sulisitsisullu akornanni aaqqissuussinikkut, soorlu paarlagaalluni sulinikkut aaqqiviginiarneqarsinnaasoraara, Jess G. Berthelsen oqarpoq.

Jess. G. Berthelsen isumaqarpoq nunatsinni namminersulivinnissaq anguniartillugu pingaaruteqartoq inuusuttut ataukkersornikkut pikkorissuunissaat anguniarneqartariqarmat angajoqqaat meeqaminnik pilersuisuunissaat anguniarneqartariaqartoq.

Jess. G Berthelsen aamma isumaqarpoq nunatsinnut sulisunik tikititsisinnaagutta aamma illoqarfinnit allanit pisiniarfinni sulisorineqarsinnaasunik Nuummut tikisitsisoqarsinnaasoq.