Illoqarfimmiut amerlanerujartuinnartut suliffeqalerput.
Kisitsisit nutaat Naatsorsueqqissaartarfimmeersut takutippaat inuit sulisinnaasut amerliartuinnartut unnukkut nalunaaqutartik eqeersaat ullaakkut itersaasussanngorlugu inissittalersimagaat, taamaalillutik makiaarsinnaaniassagamik.
Ineriartornerlu tamanna SIK-p siulittaasuata, Jess G. Berthelsenip nuannaraa:
- Kisitsisit nutaat assorujussuaq nuannaraakka. Tassami uagutsinnut pingaartorujussuugami suliffinnik pilersitsinissaq, Jess G. Berthelsen oqarpoq, nangillunilu:
- Aasiaat eqqarsaatigalugit annertuumik suliffissaaleqiffiuvoq, qujanartumilli umiarsuaq qalerallinnik tunitsiviusartoq Aasianni suliffissaaleqinermik appartitsingaatsiarpoq, SIK-p siulittaasua Jess G. Berthelsen oqarpoq.
Kisitsisit takussutissat ersersippaat suliffissaaleqisut 2004-mi 6,8 procentiusut – 2005-imi 6,2 procentiullutik ukiormannalu 5,2 procentiusut.
Kisitsisini illoqarfimmiut kisimik pineqarput.