Suliffissaaleqisut ikileriarujussuartut

Januaarimiit februaarip tungaanut Kalaallit Nunaanni suliffissaaleqisut ikileriarujussuarput. Illoqarfinni nunaqaarfinnilu suliffissaaleqisut 899-inik ikileriarput.
Allattoq Peter Troelsen
marsip 14-at 2013 09:29

Kalaallit Nunaanni naatsorsueqqissaartarfimmi kisitsisaataanni takuneqarsinnaavoq februaarip naalernerani suliffissaaleqisutut 3909-t nalunaarsorneqarsimasut. Tassa qaammatip siuliani 4808-t nalunaarsorneqarsimammata suliffissarsiortut ikileriarsimapput.

Qujanartumik illoqarfinni nunaqarfinnilu suliffissarsiortut ikiliartorput. Kalaallit Nunaanni illoqarfinni namminneq pisuussutiginngisaminnik suliffissaaleqisut 3256-iupput nunaqarfinnilu 653-iullutik.

Suliffissaaleqisut nunami tamani assigiikannertumik ikiliartorput. Agguaqatigiissillugu avannaani qaammammi kingullermi sulilersimasut amerlanerupput. Qaammatip ingerlanerani Upernavimmi Ilulissanilu suliffissarsiortut 30 procentimik ikileriartut Nuummi 10 procentimik ikileriarput.

Suliffittaartut angutaallutillu arnaapput ukioqassutsimikkullu siammasissumik inissisimallutik. 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq