Suliffissaaleqisut ikileriarsimapput
Suliffissaaleqisut 2005-imi ukiup affaani siullermi naatsorsorneqarnerat pissarsiarivarput, nuannersumillu tusagassaqartitsivugut: suliffisaaleqisut ikileriarsimapput – ukiuni arlalinni taamak ikitsigisimanngillat.
Nunatsinni Naatsorsueqqissaartarfimmit kisitsisit pissarsiarisagut naapertorlugit sulisinnaasut 1.876-t tassa 6,9 procent suliffissaaleqipput. Ukioq kingulleq taamaalinerani 2.025-t suliffissaaleqisutut allatsissimapput. Suliffissaaleqisut 149-nik ikileriarsimapput.
Suliffissarsiuussisarfimmut qaammatip ataatsip ingerlanerani suliffissaaleqisutut allatsittartut 10,4 procentimik tassa 2.852-nik agguaqatigiissillugu ikileriarsimapput. Siornamut naleqqiullugu inuit 80-t missaannik ikileriaateqarsimallutik.
Ukiup affaani siullermi suliffissaaleqisut ikinnerpaaffii misissorlugit takuneqarsinnaavoq 2000-mi suliffissaaleqisut ukioq mannatut appasitsigisut.