Suliffissaaleqisut ikileriaqqittut
Ukioq manna apriilip qaammataani suliffissarsiortutut nalunaarsorsimasut 2.653-iusut, naatsorsueqqissaartarfiup ataasinngornermi oqaatigaa. Suliffissaaleqisut ukiup siulianut qaammammut tassunga sanilliullugit 455-inik ikinnerupput.
Arkiv
Allattoq Karsten Sommer
maajip 14-at 2018 13:38
Nutserisoq Connie Fontain
Taamaalilluni suliffissaaleqisut 2017-imi juulip qaammataali ikiliartuinnavipput. Suliffissaaleqisut illoqarfinni nunaqarfimmilu ikiliartortut, naatsorsueqqissaartarfiup kisitsisaataasa takutippaat.
Qaqortumi, Paamiuni, Nuummi, Maniitsumi Qasigiannguani, Qeqertarsuarmi, Qeqertarsuarmi Upernavimmilu sulilersut ukiup siulianut sanilliullugit amerlanerupput.
Pingaartumik Maniitsumi Qasigiannguanilu sulisut amerlanerungaatsiartut takuneqarsinnaavoq.
Illutungaanili Nanortalimmi, Kangaatsiami Uummannamilu kisitsit killormuuanut ingerlapput, illoqarfinni taakkunani suliffissaaleqisut amerlipput.
Illoqarfiit sinnerini suliffissaaleqisut annertunerusumik nikerianngillat.