Suliffissaaleqisut amerleriaqqittut
Ukiormanna juunip qaammataani suliffissaaleqisut amerlassusaat 3.473-iupput, 2013-imi juunip qaammataani 2.213-iullutik. Tassa siornamut naleqqiullugu 242-nik amerleriaateqarlutik.
Tamannalu pivoq suliffissaaleqisut aasaanerani nalinginnaasumik ikilisaraluartut.
Isumalluarnartoqalaarporli
Qaammatilli siulianut - maajip qaammataanut - sanilliussigaanni, isumalluarnartoqalaarpoq.
Suliffissaaleqisut amerlassusaat maajip qaammataani 3.757-iupput, juunip qaammataani 3.473-iullutik, tassalu qaammatip siulianut naleqqiullugu 284-inik ikileriarsimallutik.
AAMMA ATUARUK Partiit tamarmik suliffissaaleqisut iliuuseqarfigerusuppaat
Pingaartumik Nuummi suliffissaaleqisut ikilerialaarsimapput - suliffissaaleqisut qaammat kingulleq 1.020-usinnarlutik juunip qaammatani 942-nngorput.
Aamma Aasianni, Ilulissani, Uummannami Upernavimmilu suliffissaleqisut qaammat kingulleq ikilerialaarput, Sisimiunili, Qaqortumi Paamiunilu suliffissaaleqineq qaffakkiartuinnarluni.
