Suliffissaaleqinermut akiuiniarlutik suliniuteqartut
Inuussutissarsiortut kommuninillu aallartitat CSR-ip aaqqissugaanik Qaqortumi maanna ataatsimiipput. CSR tassaavoq namminersortut pisortallu suliffeqarfiini akisussaaffimmik nakkutiginnittartoq, taakkulu isumaqatigiipput suliffeqarfiit namminersortut pisortallu suliffiutaasa akornanni, soorlu Piareersarfimmi, inunnik- suliffeqarfiillu ingerlatsiviisa meeqqallu atuarfiisa akornanni attaveqaqatigiittoqalissasoq. Inuusuttut sulinermik misiliinngitsoortarnissaat peqqissanngitsoortarnissaallu pinngitsoorniarlugu tamanna piniarpoq.
Suliffiutillit arlallit Kommune Kujalliup ataatsimiigiaqqusimavai, timikkut, tarnikkut inuttulluunniit ajornartorsiutillit arlaannik pissuteqarlutik sulisinnaanngitsut sulisorineqarsinnaanissaat suliffiutillit misilinniassammassuk.
Kommune Kujallermi inuit 50-it missaat maannakkut peqqissartutut taaneqarsinnaapput, taakkuli 2012 naatinnagu 100-junngortinnissaat kommunip anguniarpaa.
Suliffissaqanngitsut sapinngisamik amerlasuut sulilersinnaanissaat anguniarlugu kommunit suliffeqarfiillu qanimut suleqatigiinnissaat tassa ataatsimiissutigineqarpoq.
- Kommunit tungaanniit ataatsimoortumik ataqatigiissumillu kiffartuunneqarnissarput pisariaqartipparput. Kinaluunniit qimaannarneqassanngilaq, kikkulluunniillu imminnut pilersorsinnaasariaqarput, Qaqortumi ataatsimeersuartuniit oqarput.
