Politikki

Suliffissaaleqineq sulisinnaanngorsaaqqinnerlu

Nunarsuaq tamakkerlugu aningaasatigut ajornartorsionerup ajoraluartumik aamma nunarput eqqorpaa, taamaalillunilu aamma Kommuneqarfik Sermersooq. Ilaqarpugut sivisunerusumik sivikinnerusumilluunniit suliffissaaleqisunik, isumaqarpungalu tamanna nalilersueqqinnikkut pitsanngorsaaqqinnikkullu iliuuseqarfigineqartariaqartoq.

Allattoq Peter Troelsen, Simon Uldum

marsip 26-at 2013 10:24

Suliffissaaleqisut pingasunut agguarneqarsimapput, tassalu sulileriaannaat, ikorfartorlugit sulilerseqqinneqarsinnaasut aamma sulisinnaanngivissortut.

-Suliffissarsiortutut allassimasut ajoraluartumik tasaagajuttarput ilinniarsimanngitsut, naak aamma ilinniakkaminnut naleqquttumik suliffissaqanngitsut takussaasaraluartut, Erik Jensen, IA sinnerlugu qinigassanngortittoq oqarpoq.

Qujanarluinnarpoq sulileriaannaat amerlasuut kajumillutik suliffissamik innersuuneqarnermikkut suliffimmik paarsilluarlutik sulilertarmata.

-Sulileriaannaasutut inissisimallutik nalunaarsorneqarsimagaluarlutik, aningaasarsigaagamik sulinngitsoortartut ajoraluartumik malunnaateqarput, isumaqarpungalu taakku ersersittaraat inuttut arlaatigut ajornartorsiuteqarnertik – tamannalu iliuuseqarfigisariaqarparput, Erik Jensen isumaqarpoq.

Suliffissaaleqineq sulisinnaanngorsaaqqinnerlu

Aamma atuaruk