Suliffissaaleqineq akiorniartariaqalerparput
Siumut sinnerlugit Inatsisartunut ilaasortap Hans Enoksenip tassunga atatillugu susassaqarfimmut naalaakkersuisumut § 37 naapertorlugu pingasunik apeqquteqaateqarpoq.
Enoksenip paaserusuppaa nunaqarfinni suliffissaaleqineq qanoq ilillugu akiorniarneqarnersoq, suliffissaaleqinermik akiuiniarnermut aningaasat qanoq amerlatigut atorneqarsinnaanersut kiisalu nunatsinni suliffissaaleqisut marsip qaammataata naanerani qassiunersut.
Hans Enoksenittaaq erseqqissarpaa naalakkersuisooqatigiinnissamik isumaqatigiissut naapertorlugu inuit suliffissaaleqinermik eqqugaasimasut angusassamik toraagalimmik sukkasuumillu sullinneqartarnissaat sulissutigineqassasoq, suliffissaaleqisut sulilerseqqinniarlugit. Naalakkersuisut tamatumunnga atatillugu sulinik suliniuteqarniarnersut aamma paaserusuppaa.
Jens Erik Kirkegaardip akissuteqarnissamut ullunik qulinik periarfissap iluani parteeqatiminut akissuteqarnissaa naatsorsuutigineqarpoq, knr.gl-imiillu naalakkersuisooqatigiit suliffissaaleqinerup akiorniarneqarnissaanut sunik pilersaaruteqarnersut tusarfiginissaa qilanaaraarput.