Suliffinnik pilersitsinissaq ujartorpaat

Suliffissanik pilersitsinissaq ujartorunnaarlugu suliffiit pioreersut nunatsinni sulisinnaasunit qanoq inuttalersorneqarsinnaanersut oqallisiginerusariaqalerpoq.

Taama oqarpoq Jens K. Lyberth, Kalaallit Nunaanni Sulisitsisut Peqatigiiffianni ataqatigiissaarisoq. Taassuma ujartorpaa, nunatsinni sulisinnaasut ilinniagaqarnerulernissaat oqaatsitigullu piginnaasaqarnerulernissaat, taamaalillutik siunissami takornariartitsinermi aatsitassarsiornermilu suliffiulerumaartussat, suliffigilernissaannut piukkunnarnerulissagamik.

- Siunissami suliffiit amerlanerusut pilersinniarneqarsinnaanerat oqalugiaammi eqqartorneqarpoq, tassanilu oqaatigisinnaavarput suliffiit amigaataanngitsut. Ajoraluartumik avataaninngaanniit tikisitsisariaqartarpugut, suliassat nammineq suliarisinnaanngitsutut misigisaratsigit, tassanilu ilinniartitaaneq apeqqutaasorujussuuvoq, Jens K. Lyberth, Kalaallit Nunaanni Sulisitsisut Peqatigiiffianneersoq oqarpoq.

Jens K. Lyberth-ip allallu oqaasii Itisiliinermi tusarnaarneqarsinnaapput, Knr naggat gl titarneq uingasoq itisiliineq alakkaraanni.