Suliffinni ilinniartut amerliartorput
maajip 20-at 2006 13:12
Nunatsinni suliffeqarfinni ilinniartunngortartut amerliartorput, ukiormanna 30 procentimik amerleriaaateqarlutik, Sulisitsisut peqatigiiffiat GA taama nalunaarpoq.
GA-p nalunaarusiornermini suliffeqarfiutillit ilaasortani misissuiffigisimavai, tassanilu suliffeqarfiit ukioq manna 200-inik ilinniartoqalernissamut neqerooruteqarsimasut erserpoq.
Ilinniartoqarnerpaavoq sanaartorneq, katillugit 152-inik massakkut ilinniartoqartoq, sanaartornermillu ilinniartut 64-inik ukioq manna ilanissaat ilimagineqarpoq.
Nuna tamakkerlugu suliffeqarfinni GA-mut ilaasortaasuni suliutigalutik ilinniartut massakkut 300-isut GA ilisimatitsivoq.
