Suliffimminnik ataqqinnittut

Savalimmiormiut qaqutigorsuaq suliffimmut allamut nuuttarput. Gallup-ip misissuisimanera malillugu savalimmiormiut aviisianni sapaatip-akunneranut saqqummersartumi – Vikublaðið-imi – savalimmiormiut tallimaagaangata, ataaseq ukiut 20-t sinnerlugit aalajaalluni suliffimminik paarsilluartuusarsimavoq.

Savalimmiormiut 60-it sinnerlugit ukiullit marluugaangata ataaseq aalajaalluni ukiut 20-t sinnerlugit suliffimminiiginnartarsimavoq. Angutit arnallu assigiimmik suliffimminnik paasilluar-tuusarsimasut misissuinerit takutippaat, savalimmiormiullu inuusunnerusut suliffimminnut aamma aalajaatsuupput.

Inoqutigiiaat suliffigisaminni isertitakinnerit suliffimminnik paarsilluarnerusartut misissuinerup takutippaa. Taamaalilluni takuneqarsinnaavoq inuit pingasuugaangata inoqutigiiaani ukiumut 250.000 koruuninit isertitakinnerusut ukiut 20-it sinnerlugit suliffimminnut aalajaallutik sulisuusartut.

Savalimmiuni pisortatut atorfiit pineqartillugit inuit sisamaagaangata pisortaasoq ukiut 20-it sinnerlugit suliffik ataasiinnaq suliffigisarsimavaa.