Suliffimmini ukiunik 50-inngortorsiortoq

Suliffimmi ukiunik 50-inngortorsiorneq qaqutigoorluinnartuuvoq. Maannalu taama pisoqarpoq, tassami Isak Kristiansen naalagaaffimmi ukiut 50-it matuma siorna, apriilip ulluisa aallaqaataanni, atorfinissimavoq.
Allattoq Louise M. Kleemann
apriilip 01-at 2008 08:39

Isak Kristiansen Qeqertarsuup pigisaani Kangerlummi inunngorpoq – sulineralu aallartilluni Nipisani Loranstationimi.

Tele Greenland taama nalunaaruteqarpoq, tassami Isak Kristiansen Tele Greenlandimi ukiuni 50-ini sulisimavoq, Tele Greenlandip nuannaarutigeqisaanik.

Atorfininnini Isak Kristiansenip ima eqqaavaa:

-Taamanikkut 1958-imi stationslederip allaffimminukaqquvaanga. Oqarfigaanga eqiasuillunga sulisarama assut iluatigilersimallunga, akuersisinnaagumalu naalagaaffimmi sulisutut ivertikkusullunga. Akivaralu anaanaga apereqqaarlugu aatsaat ajorinngippagu akuersisinnaallunga.

Anaanamalu aatsaat akuerimmanga akuersivunga.

Tamatuma kingorna Isak Kristiansen Ministeriaqarfimmit allagarsivoq, naalagaaffimmi apriilip ulluisa aallaqqaataanni 1958 atorfeqalerluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq