Suliffiit aallartisarsimasut marluk akissarsipput
Suliffiit aallartinneqarsimasut tamarmik immikkut 50.000 koruuninnatsinneqarput.
Aningaasaateqarfiup siulittaasua Kristian Lennert tunniussinermi ima ilaatigut oqarpoq:
- Suliffinnik aallartitsisimasunik allanik piukkunnartoqaraluarpoq, sumiiffitsik aallaavigalugu suliffinnik ingerlalluartunik aallartitsisimanerat pillugu uku toqqarpavut.
Nanu Travel ApS Martin Munch-imit Ittoqqortoormiini aallartinneqarpoq, ullumikkut qimussinik arfinilinnik, qajarissanik arfinilinnik, asiartarfimmik, angallammik puisillu amiinik ukiorsiutilianik takornarianut atugassanik peqarluni. Ittoqqortoormiini illusisarfiuteqarput allamilu illuaraateqarlutik.
Lars Fleischer Oqaatsuni piginneqateqarluni, qullukkiorfimmik aalisakkanillu allanik tunisassiorfimmik ingerlalluartunik aallartitsisimavoq, maannalu aamma Ilimanami qullukkiorfik aallartissimalerlugu.