Suliffeqarnermi Qullersaqarfik Namminersornerullutik Oqartussanut kukkusumik ilisimatitsisimavoq
Nuup Kommunea, SIK, Sulisoqarnermilu Qullersaqarfiup inatsisilerituui Polenimiut sulinissamut akuersissuteqaratik Nuummi sulisimasut pillugit ullumi ataatsimeeqatigiipput.
Nuup borgmesteriata, Agnethe Davidsenip, Radioavisimut uppernarsarpaa, Inatsisartut Suliffeqarnermi Qullersaqarfiup eqqunngitsunik paasissutissiivigisimagai.
Tamanna pivoq nunami allamiut nunatsinni sulissatillugit akuersissutit pillugit Demokraatinit apeqquteqaammi Sulisoqarnermik Qullersaqarfik eqqunngitsunik paasissutissiimmat.
- Apeqquteqartumit, Marie Fleischerimit, akissutigineqartoq nalornisoortitsimmat oqallinneq aallartippoq. Akissuteqarnermimi oqaatigineqarpoq Nunasinianut Qullersaqarfimmut Nuup Kommunea qinnuteqarsimasoq, sulisitsisorlu qinnuteqarsimanani, Sulisoqarnermut Qullersaqarfik tusagassiutinut nalunaaruteqarpoq.
Imaalerporlu: Sulisitsisut Nuup Kommuneanit avataanit sulisussarsiornermi akuerineqarsimapput, taakkulu namminneerlutik Nunasinianut Qullersaqarfimmut nunanit avannarlerneersuunngitsunik sulisoqarniarunik qinnuteqartussaagaluarlutik, taamaaliorsimanngillat.
