Suliffeqarfinnut siorna annaasaqarsimasunut ikiorsiissuteqartoqartoq

Suliffeqarfiit katersuunnissamut killiliussamik siorna eqqugaava?

Taamaappat Naalakkersuisut ikiuutaannut nutaanut ’20-mi ikiuutit’-nut qinnuteqarsinnaavutit. Namminersorlutik Oqartussat tusagassiuutinut nalunaarummi taama allapput.

Sumiiffinnimi ataasiakkaani inuit amerlanerpaamik 20-t kisimik katersuussinnaatitaapput.

Assersuutigalugu Nuummi piffissami novembarip ulluisa 13-iannit novembarip ulluisa 21-annut inuit amerlanerpaamik 20-usinnaatitaapput.

AAMMA ATUARUK Corona pillugu malittarisassat paatsuungassutigaagit? Aaku ataatsimut isigalugit

Killilersuinerit juullilernerani nereqatigiinnerit nalaanni pipput, neriniartarfiutillillu juullilernerani nereqatigiinnissanik taamaatitsiinnartunik mailikkut tigoqqaasussat killilersuutit ilorrisimaarutiginngilaat.

Katerinnissamut amerlanerpaamik 20-oqqusaanerat nunatta avannaani sumiiffinni arlalinni aamma atuuppoq.

Upernavimmi Upernaviullu nunaqarfiini novembarip ulluisa 25-annit decembarip ulluisa arfineq-pingajuannut inuit amerlanerpaamik 20-usinnaatitaapput.

Sumiiffinni tuniluunneq ima annertutigaaq allaat ikinnerpaamik illoqarfimmi najugaqartut affaat tunillatsissimanissaat nakorsaanerup nalilerlugu.

Kommune Qeqertalimmi Qasigiannguit Aasiaallu kommunerisaanni katerinnissamut aamma killiliisoqarpoq. Tamanna piffissami decembarip ulluisa aqqarnannit decembarip ulluisa 20-annut atuuppoq.

Ikiuutit ajornartoornermilu taarsigassarsineq

Naalakkersuisuisunit suliffeqarfinnut katerinnissamut killiliinerup nalaani aningaasanik annaasaqarsimasunut ikiuutit nutaat ikiuutinik ajornartoornermilu taarsigassarsinernik ilaqarput.

Naalakkersuisup ikiuutaat neriniartarfiuteqarnermi inuussutissarsiortunut, kiffartuussinermik inuussutissarsiuteqartunut, timersortarfinnut, katersortarfinnut allanullu atuupput.

Inuussutissarsiutinut naalakkersuisup, Pele Brobergip (Naleraq) Naalakkersuisullu sinnerisa ikiorsiissutit atorunnaarsikkiartuaarneqarnissaat pilersaarutigigaluarpaat. Suliffeqarfiit ikiorsiissuteqarfigineqaratik ulluinnarnut naleqqussarnissaannik naleqqussarnissamut piumaffigineqaraluarput.

AAMMA ATUARUK Múte B. Egede takornarialerisunut: Staycation ikiorsiissutillu periarfissaraasi

Sumiiffinnili pineqartuni tuniluuttoqarnera pissutigalugu tamanna periarfissaanngilaq. Tuniluunneq siaruaatipiloorpoq, Naalakkersuisullu tuniluunnerup pakkersimaarnissaanut killilersuutinik atulersitsisariaqarlutik.

Ullumikkut katerinnissamut killiliisoqanngilaq, naak omikron nunatsinni tamarmi siaruaatingaatsiarsimagaluartoq. Amerlasuut angerlarsimaannaqquneqarput tunillatsissimasullu amerlangaatsiarlutik.

Ikiuutit pillugit annerusumik uani atuagaqarit.