Suliffeqarfiit NORA-mit tapiiffigineqarput

Imarpiup avannaani suleqatigiiffiup NORA-p pilersaarusiat katillugit qulit aningaasaliiffigeqqammerpai, pilersaarusianilu taakkunani tallimat nunatsinnut attuumassuteqarput.

NORA-p qitiusumik allattoqarfiani atorfilik, Kaspar Lytthans taama oqarpoq.

Suliniutigineqartut ilaanni pineqarpoq raajat qalipaasa qalipaataata tasinngortani imaanilu aalisakkanik uumatitsivinni aalisakkanut nerisassatut atorneqarnissaa.

Raajat qalipaat Polar Seafoodimit pineqartassapput. Suliniut 300.000 koriuuninik tapiiffigineqarpoq.

Aalisakkanik Tunisassiornermik Ilinniarfik, ATI, Maniitsumiittoq, nutaaliortunik allanik attaveqaqatigiinnissaanut atugassanik 50.000 koruuninik tapiiffigineqarpoq.

Brint-ip nukissiuutissatut atorneqarsinnaanissaanut periarfissat suunersut Nukissiorfiit paasiniarniarpaa, aningaasallu 300.000 koruunit tassunga atorneqassapput.

Saamit Norge-p avannarpasissortaaniittut puisinniartalerusupput, nunatsinneersunillu attaveqarnissaminnut 100.000 koruuninik tapiiffigineqarput.

Sanaartornermik Ilinniarfiup, Sisimiuniittup, timmisartumik inuttaqanngitsumik ineriartortitsinissaminut aningaasanik aamma tapiiffigineqarpoq.

Timmisartoq Imarpiup avannaani assartuinissamut atorneqartussatut naatsorsuussaavoq, ineriartortitsinissamullu atugassanik 100.000 koruuninik

tapiiffigineqarluni.