Suliffeqarfiit akiliisinnaajunnaartut 26-t

Taakkua ukiup siulianut naleqqiullugit qulingiluanik amerlanerupput qaffariaallu 53 procentiuvoq, tamanna misissueqqissaartarfittut suliffeqarfiup Experianip kisitsisaataasa takutippaat. Suliffeqarfiit allat immikkut eqqugaasimanersut - imaluunniit akiliisinnaajunnaarnerit suliffeqarfinnut allanut siammaassimanersut - kisitsisitigut paasissutissani takuneqarsinnaanngillat.

Akiliisinnaajunnaartut arlaqaraluartut isumaqartoqartariaqanngilaq inuussutissarsiuteqartuni ajornartorsiuteqartoqartoq, Sulisitsisut Peqatigiiffianni pisortaq Henrik Leth taama isumaqarpoq:

- Kisitsisit ima ikitsigaat, tamanna tamanit atugaanersoq assut paasiuminaalluni. Aammami kisitsisitigut takussutissanit aamma oqaatigineqarsinnaanngilaq suliffeqarfiit qanoq amerlatigisut piffissap ingerlanerani siumukarsimanersut.

Savalimmiuni inuussutissarsiuteqartut aamma akiliisinnaajunnaarnernit annertuumik eqqugaapput. 2009-mi februaarimit 2010-mi januaarimut, Savalimmiuni sulliviit akiliisinnaajunnaartut 104-nik amerlassuseqarput. Taakkua ukiup siulianut naleqqiullugit 372 procentinik annertussuseqartut kisitsisitigut paasissutissat takutippaat.