VIDEO Suliat eqqartuussivinni naammassineqareernerini eqqugaasimasut ikiorserneqartarnissaat ujartorneqartoq

Meeraalluni kinguaassiutitigut atornerlugaasimalluni ilisimannittutut eqqartuussivimmi oqaaseqarnissaq oqimaatsuuvoq.

Unnerluutigineqartoq eqqartuussivimmit nalinginnaasumik anisinneqartaraluarpoq; atornerlunneqarsimanerulli sukumiisumik oqaluttuarinissaa imaannaanngitsuuvoq.

Ulrik Blidorf eqqugaasimasunut arlalissuarnut illersuisuusimavoq. Sullitarisimasani suliap naammassinerata kingorna arlaleriarluni naapissimavai. Taakkunanilu uteqqiattoq tassaavoq, tarnip pissusaanik ilisimasalimmit ikiorneqarnissaminnik suliamullu uiggiullugu katsorsarneqarnissaminnik ujartuisarnerat. Qaqutiguinnarlu ikiorserneqartarput.

Meeqqat ilisimannittutut eqqartuussivimmi oqaaseqarnissaat pinngitsoortinneqarsinnaavoq. Suliap eqqartuussivimmi suliarineqannginnerani killisiorneqartarput killisiuinerlu videoliaralugu immiunneqartarpoq.

Isummersuutit


 

Pages