Suliassatik soqutiginngilaat
Inuiaqatigiinnik sullisserusulluni qinigassanngortissimagaanni qinigaallunilu, taava sullissinissaq pimooruttariaqarpoq, taama oqarpoq Avannaani Ikaarsaariarnermut Ataatsimiititaliami ilaasortaq Isak Hammond, Inuit Ataqatigiit. Isak Hammond oqarpoq Avannaani Ikaarsaariarnermut Ataatsimiititaliami sulineq nattaqqallisaartumik ingerlasoq, Siumup Atassutillu ilaasortaatitaasa ilaat piumallerlutillu takkunenq ajormata. – Kingullermik junimi Aasianni ataatsimiikkatta Siumup ilaasortaatitaa ataaseq takkutinngilaq, Atassullu sinniisussaminik aggertitsivoq ajoraluartumilli nassuiaanneqanngilagulluunniit qinikkat sooq ataatsimiigiarsinnaasimannginnersut, Isak Hammond oqarpoq. Avannaani Ikaarsaariarnermut Ataatsimiititaliami siulittaasoq, Qasigiannguup borgmesteria Jess Svane oqarpoq, kingullermik ataatsimiinnermi peqataanngitsoortut pissutissaqavillutik aggersinnaasimanngitsut takkuttoqanngitsoornerali suliassanut kinguarsaataasimanngitsoq. – Ukiup sinneranut suliassagut suleqatigiilluarutta naammassissaqqaarpagut Jess Svane oqarpoq. Jess Svanep erseqqissarpaa kommunerujussuanngornissamut suleqataanermi piffissakilliornerpaat tassaasut Inatsisartuni issiareersut.
