Suliartoqqusaanermut tunngasoq eqqartuleruttorpaat

Saqisut peqatigiiffiat: Sulisartoqarneq pillugu eqqartuussiviup aalajangiinera tupaallaatissaanngilaq.
Allattoq Najaaraq Egede
aggustip 30-at 2007 17:36

Sulisartoqarneq pillugu eqqartuussivikaalajangeereersorlu, saqisut Air Greenlandimut qanoq iliuuseqarnissartik pillugu oqaloqatiginnikkiartorput.

Sulisartoqarneq pillugu eqqartuussiviup aalajangiinera saqisut peqatigiiffiata siulittaasuanit Anders Mark Jensenimit tupaallaatigineqanngilaq.

- Sulisartoqarneq pillugu eqqartuussiviup aalajangiinera tupaallaatigivallaanngilara, Danmarkimi Sulisartut Kattuffissuata LO-p saqisut suliartoqqusaasinnaanerat ilimasaarutigereersimavaa Saqisullu Peqatigiiffiat peqatigalugu uanga aamma saqisut suliartornissaannik oqarfigereerpakka, Anders Mark Jensen, oqarpoq, nangillunilu:

- Saqitsaassutigisarput nutaarsiassartaqanngilaq, maannakkullu tassa suliartoqqusisoqarpoq, ilaasortallu tamassuminnga ilisimatereerpakka. Saqisut suliartoqqusaanermut tunngasut maannakkut eqqartorpaat.

-Aappassaanik ajuusaarnera oqaatigissavara, suliatsinnik unitsitsisimanitsinnut tunngatillugu kiffartuutatsinnut assorsuaq ajuusaarpugut taamatut pisoqarmat,

Aperineqaramilu tamanna qanoq kinguneqarsinnaanersoq nalunnginneraa, akivoq:

- Aap, kisianni saqisut soraarnerussutissiassanut aaqqiissuteqartoqarnissaanut tunngatillugu pakatsissutigisupilussuuaat tamannalu pillugu Air Greenlandip qullersaat oqaloqatigerusullugit.