HASHI PILLUGU SULIAQ: Suliareqqitassanngortitsisut nutaanik illersuisullit eqqissisimasut
Nunatta Eqqartuussisuuneqarfiani suliassanngortitseqqiineq nalunaaqutaq qulingiluanut aallartimmat eqqartuussinerup ingerlanissaa siullermik oqaluuserineqarpoq, eqqartuussinerlu qallunaatut ingerlanneqassasoq aalajangiunneqamat, illua tungeriinnit akuerineqarpoq.
Suliareqqitassanngortitsut tamarmik nutaanik illersuisoqartiterput, illersuisullu ataasiakkaarlutik ilaatigut illersukkaminnik pinngitsuuneraanertik ilaatigut saqqummiuppaat.
Suliareqqitassanngortitsisut tamarmik illersuisuminnik sanileqartut eqqissisimasumik malinnaapput. Aamma politiit nakkutilliisut arlallit, tusagassiortut inuillu allat malinnaallutik, taamaattumik ini eqqartuusivik atorneqartoq ulikkaangajaqqavoq.
AAMMA ATUARUK Hashi pillugu suliaq aallarteqqippoq
Unnerluussisuussaatitaasut marlunngornermi ullaakkut nalunaaqutaq qulit qanngerlugit tanneq ataasinngortorlu pineqaatissiinermut tunngasut saqqummiuuppaat. Ilaatigut eqqartuussaareersimasut ataasiakkaarlugit nassiuaateqarfigineqarlutik.
Suliarujussuummat, inuillu arfineq marluk pineqarmata eqqartuussivimmi suliassanngortitseqqiineq piffissanut marlunnut avinneqarpoq. Immikkoortup siullia sapaatit akunnerini marlunni, tassa marlungornermiit juulip ulluisa sisamaata tungaanuussaaq. Kingullerlu juulip 30-anit aggustip arfineq pingajuat ilanngullugu suliarineqassalluni.
Unnerluussisussaatitaasut Nunatta Eqqartuussisuuneqarfiani pingasunngornermi ullaakkut nalunaaqutaq qulingiluanit akunnerit marluk missaanni saqqummiissapput.