Suliaq tassuugu nanginneqassaaq
34-inik ukiulimmik David Fiskerimik juulliaqqap ullaavani allaaneqarnernerata kingorna toquneranut atatillugu angutit marluk eqqartuunneqarneranni aalajangiinissaq ualimut kinguartinneqarpoq.
februaarip 18-at 2010 15:51
Angutit marluk aappaa 42-nik ukiulik aappaalu 37-nik ukiulik toqumik kinguneqartumik nakuusersimasutut unnerluussisunit pineqaatissinneqarnissaat piumasarineqarpoq.
Angut 42-nik ukiulik aallaannittoq ukiuni pingasuni pinerluuteqarsimasunut inissiisarfimmiittussangorlugu pineqaatissinneqarnissaa unnerluussisut piumasaraat, illersuisualu pinngitsuutinneqarnissaanik piumasaqarluni.
Angut 37-nik ukiulik aallaasersortoqarnerani najuuttoq ukiumik ataatsimik affarmillu pineqaatissineqarsimasut inissiisarfianniittussangorlugu pineqaatissinneqarnissaa unnerluussisut piumasaraat, illersuisuiata pinngitsuutinneqarnissaa piumasaralugu.
Eqqartuussinermi aalajangiinissaq ualeru nalunaaqutaq sisamanut tanneq qulingililuanut Nuummi eqqartuussivimmi pissaaq.
