Suliaq Josef Motzfeldtimut tunngasoq Politimesterip unitsippaa
Hashimik 0,15 grammimik nassaarneq, aammalu Josef Motzfeldtip taamani inigisaminit nutserneranut atatillugu pequtinik nutserisup nalunaarutiginninnera, tunngavigalugit ikiaroornartut pillugit peqqussummik unioqqutitsineq pillugu Josef Motzfeldtimut uparuaanissap taamaatinneqarnera aalajangiunneqartoq pillugu politimesteriugallartup nalunaarutaanik Inatsisartut siulittaasuat, Josef Motzfeldt ullumi tigusaqarpoq. Suliamik ingerlatitseqqinnissaq Inatsisartut siulittaasuata pisuutinneqarluni pineqaatissinneqarneranik kinguneqartussatut naatsorsuutigineqannginnera politimesterip aalajangiineranut tunngaviuvoq.
Siulittaasoqarfimmi sulinini Inatsisartut siulittaasuata maanna aallarteqqippaa, Olga P. Berthelsen, Inatsisartut siulittaasuata tullia siulleq, taama nalunaarpoq.