Suliap naammassineqarnera iluarisimaarpaa

Nuummi politiip qaffasissumik atorfillip arnamik eqqarsartaatsimigut napparsimasumik kinguaassiutitigut atornerluisimasutut maajip 25-anni eqqartuunneqareerluni pineqaatissinneqarsimasup, pineqaatissinneqarnera Nunatta Eqqartuussivianit  naqissuserneqaqqammerpoq. Suliarlu naammassimmat qujanartoq, politimesteri Anders Linnet naliliivoq:

- Naammassineqarnera naammagisimaarpara, taamalu eqqartuussiviit marluk assigiimmik inerniliinerat iluarisimaarlugu. Politimester Anders Linnet naliliivoq.

Politeeq qaffasissumik atorfilik Nuup Eqqartuussiviani upernaaq eqqartuunneqarmat qaammatini pingasuni pinerluuteqarsimasunut inissiisarfimmiittussanngortinneqarpoq, arnamullu 20.000 koruuninik akiliisussanngortinneqarluni. Politiip pineqaatissinneqarnini akueriumanagu Nunatta Eqqartuussivianut suliassanngortippaa, pineqaatissiissulli Nunatta Eqqartuussiviata sapaatip-akunnerani kingullermi naqissuserlugu.

- Suliassaq tullinnguuttoq tassaavoq, atorfilittat eqqunngitsuliorsimasutut pasineqartut pillugit suliassanngortitsinissaq, tamannalu qanoq inerneqassanersoq soorunami oqaaseqarfigisinnaanngilara, naluneqanngitsutulli ajorluinnartumik pisoqarsimatillugu soraarsitsinermik kinguneqarsinnaasarpoq. Anders Linnet erseqqissaavoq.

Anders Linnet aamma oqarpoq, pisimasoq politiit sulinerat eqqarsaatigalugu ajuusaarnartuusoq,  pissusissaatulli suliarineqarsimasoq.

- Pissusissamisut suliarineqarsimavoq, qujanartumillu sukkasuumik suliarineqarsimalluni, tamannalu nuannaarutissaavoq. Politimester Anders Linnet naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat