Suli nassaanngillat
Ikiortissarsiorneq taanna sapaatiummat ippassarlu Upernaviup kujataani ujaasinermik angisuumik kinguneqarpoq.
Politiit aamma Kangilinnguani sakkutooqarfiup ujaasinertik arlaanik malussarfigineqanngitsoq, ippassaq taarsinerani unitsippaat, ujaasinerlu nanginneqassanersoq ullaarmanna aalajangiiffigineqartussaavoq.
Ujaasinerup aallartinneraniit politiit innuttaasunit arlalinnit saaffigineqartarput.
- Mayday, mayday umiarsuarput kivilerpoq, arlaata tusaasinnaavaanga, mayday mayday. Angut kalerrisaarinermini ilaatigut taama oqarpoq.
Angutip tusaaneqartup kinaasinnaaneranik ilimatsaassaqartut Nuummi imaluunniit Upernavimmi politiinut saaffiginneqquneqarput, aamma innuttaasut soqutiginninnerat politiinit qutsatigineqartoq, Nuummi politiinit oqaatigineqarpoq.
Nuummi politiit oqarasuaataat normoqarpoq 32 14 48 aamma Upernavimmi politiit oqarasuaataata normuat tassaalluni 59 02 22.
