Suli issikkallassaaq
Kangerlussuaq minus 25 tikillugu issittussanngorpoq sinerissallu ilarujussua aamma ississalluni.
![](/sites/default/files/styles/image_934x467/public/article_images/kulde630_0.jpg?itok=1PJEPKcf)
Allattoq Noah Mølgaard
Ulluni makkunani inuit poortuulluaqqaarlutik anisarput sulilu oqorsarluartarnissaq pisariaqarallassaaq. DMI-mi silassaq malillugu suli issittuarallassaagunngooq.
Ullunilu tulliuttuni DMIp ilimasaarutaa paatsuugassaanngivippoq:
Kangerlussuaq: - 25
Ilulissat: - 15
Qaanaaq: - 22
Nuuk: - 12
Qaqortoq - 7
DMI nittartakkamini allappoq taama issitsiginera ukiup taamaasinerani silap nunatsinni pissuserisagaanut naapertuuttoq. Silasiortut ilanngullugu nalunaarutigaat sapaatip akunnera missaliorlugu silap taamaannissaa ilimagisinnaagipput.
Suli nalunarallarpoq decemberimi sila qanoq issamaarnersoq.