Suli amerlanernik appakkusupput
![](/sites/default/files/styles/image_934x467/public/article_images/lomviehylder_foto_anders_mosbech_dmu_0.jpg?itok=nPZC0NZA)
Avannaani appanniartarneq sivitsorneqarsinnaavoq appanut ikilisaataanngitsumik. Taama naliliipput Atassut sinnerlugu Inatsisartuni ilaasortat Siverth K. Heilmann aamma Knud Kristiansen siunnersuumminnik ullumikkut Inatsisartunut saqqummiussisut.
Avannaani appanniarneq aallartittarpoq septembarip aallaqqaataani aatsaallu februaarip 28/29-ni taamaatittarluni. Taamatut killilersuinermut tunngaviuvoq appat martsip aallaqqaataata missaanniit manniliortarnerat.
Siunnersuulli malillugu appanniarneq aggustip 15-iani aallartissinnaagaluarpoq Qeqqani ingerlatsiviup avannannguaniit Qaanaaq avannamut tunulu tikillugit.
- Isumaqarpugut appanniarneq sivitsoraluarpalluunniit appaqassuseq innarlerneqarnavianngitsoq taamaasinerani appat manii tukertitereerlutik piaqqat teqqaasimanissaat ilimagisariaqarmat, tunngalersuut ilaatigut taama nipeqarpoq.
Siunnersuut malillugu sunngiffimmi piniartartut taamaallaat aallarnermi ataatsimi tallimanik appassinnaassapput inuussutissarsiutigalugu piniartut aallarnermi ataatsimik 30-raarsinnaassasut.