-Uagut eqqarsarluaqqissaassaagut, neriuppugut aamma ilissi taamaaliorumaartusi.
Raajat akiinik isumaqatiginninniarnerit ingerlaneranni Royal Greenlandip pisortai siulersuisuilu ippassaq ataatsimiinnginnerminni KNAPK-mut taama oqariartuuteqarput.
Akerleriit eqqarsarfeqareerlutik ullumi periarfissaqassapput paasiniassallugu imminnut qanillisimanerlutik.
-Aalisartut tunisiumajunnaarnerat qaqutigoortorujussuuvoq. Ataatsimeersuarnermili kingullermi erserpoq ilaasortatta raajat akiisa appasinnerujussuannut akerliullutik iliuuseq taanna atorusukkaat, KNAPK-mi pisortaq Peter S. Olsen oqarpoq.