Suleriaatsini allanngortinnianngilaa

Lars-Emil Johansen, Siumut sinnerlugu Folketingimut ilaasortaasoq qinigassanngorteqqittorlu, aporaatsitsiniarpalaartumik suleriaaseqarnerarlugu, qinigassanngortittut ilaannit Per Berthelsenimit, Demokraatineersumit uparuarneqarpoq. Per Berthelsen Sermitsiamut Qanoruumullu oqarpoq Lars-Emil JOhansenip suleriaasia aporaannissamut qanippallaartoq, Demokraatillu qinigaassagunik inussiarnisaarnerusumik pissuseqarniartut.

Lars-Emil Johansenillu suleriaatsini allanngortinnianngilaa.

- Saqqumisumik suleriaaseqarneq pitsaanerpaammat taama suleriaaseqaannarnissara kissaatigaara.

Ukiorpaaluunngitsut matuma siorna Folketingimut ilaasortat tusarfigineq ajorpavut, kisianni Atlantikup avannaani qinikkat suleqatigiit aallartikkatsigit annertuumik pisoqarfiusalerpoq.

Siornatigut pissusiusimasoq, qallunaanut qujanarniarpaluttumik imminullu nikanartippaluttumik pissuseqarneq, inuit ilaasa kissaatigigunikku namminneq taanna akisussaaffigissavaat.

Taama ersaritsigisumik oqariartuuteqartarnermi paasineqarnissaq aamma qularnaannerusartoq, Lars-Emil Johansen oqarpoq.