Suleqatiserinninneq tigulluarpaat

Avannaani kommuneqarfiit piniartoqarfiusut qilalugarniarfiusartullu ataatsimoorlutik naalakersuisunut saaffiginninnissuteqarnissaannik Ilulissat kommuneani borgmesterip Anthon Frederiksen-ip suleqatiserinninnera, kommuneqarfiit saaffigineqartut ilaannit tigulluarneqarpoq.

Uummannami piniartut qilalugartassinneqaqqeqqullugit Uummannap kommunea Naalakkersuisunut qinnuteqarpoq. Uumannami maannakkut qilalugarpassuaqarnera qilalugartassiissutaasullu siornamut sanilliullutik ikinnerusut tamakkerneqareernerat qinnuteqarnermut tunngaviupput.

Qilalukkanik killilersuisoqarlerneratigut piniartut isertitassaminnik annaasaqartut illuatungaani aaqqiissuteqarfigineqarsimanngitsut Uummannami borgmesteri Jens Lars Fleischer kiisalu Niaqornani Knapp-ip isulittaasua Karl Kristian Kruse sapaatip akunnerani kingullermi oqarput.

Ummannami pissutsit tusareerlugit, Ilulissani borgmesteri Anthon Frederiksen kommuneqarfinnut Kangaatsiamiit Qanaaq ilanngullugu saaffiginnippoq, avannaani piniartut atugaasa aaqqiiffigineqarnissaat pillugu naalakkersuisunut ataatsimoorluni saaffiginninnissamut suleqatiserinnilluni. Suleqatiserinninnera avannaani kommuneqarfiit ilaannit tapersersorneqarpoq.

Qasigiannguani borgmesteri Jess Svane oqarpoq piniartut atugaannik pitsanngorsaanissamut tapersersuillutik. Qasigiannguani aalisartuuneq piniartuunermit annertunerugaluartoq, piniartutnut piaartumik iliuuseqartoqartariaqartoq Jess Svane isumaqarpoq.

Uummannap borgmesteria Jens Lars Fleischer oqarpoq

tapersersorneqarnertik nuannaarutigigitsik. Aalisarnermut Piniarnermullu Naalakkersuisunngortussaq Finn Karlsen sulilerpat nammineerluni aamma saaffigissamaarini Jens Lars Fleischer oqarpoq.

Upernavimmi borgmesterip Jens Immanuelsen-ip Ilulissaniit saaffiginnussut kommunep Aningaasaqarnermut Ataatsimiititaliaanut saqqummiunniarpaa. Upernavimmi qaqortartassat suli tamakkerneqanngillat qernertartassalli tamakkerneqareerlutik, tamanna pillugu qernertartassat amerlineqarnissaannik Upernaviup kommunea Naalakkeruisunut qinnuteqarsimavoq.

- Upernavimmimi manna tikillugu suli kisitsisoqarnikuunngilaq, Qimusseriarsuarmi 90-ikkut naaneranni kisitsisimaneq qilalukkanillu eqqisisimatitsinissaq suliarineqalermat tikeraarneqarsimaneqarput eqqassanngikkaanni tamaattumik piniartut biologillu suleqatigiinnilerulertariaqarput, Jens Immanuelsen oqarpoq.

Qaanaap borgmesteria Johanne H. Nielsen ataatsimiimmat oqaaseqartissinnaasimanngilarput,

Ilulissani borgmesterip saaffiginnissutaa Kangaatsiamut Aasiannut Qeqertarsuarmullu suli anngussimanngilaq.

Aalisarnermut piniarnermullu

Naalakkersuisunngortussaq Finn Karlsen, raatiuaviisimut oqarpoq, qilaluartassat pillugit piniartut ajornartorsiuteqalersimanerat aaqqiiffiginiarlugu kingusinnerpaamik tallimanngorpat, piniartut kattuffiannik oqaloqateqassalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat