Suleqatigiissitsisut suli akerliusut
Mittarfissuarliornissamik pilersaarut Inatsisartut upernaaq ataatsimiinneranni taasissutigineqarmat Partii Suleqatigiisitsisut ilaasortaatitaat akerliulluni taasivoq.
Tamannalu piginneqatigiissummik atsiortoqareersoq suli attappaat. Pilersaarut ajutoorutaappat, inuiaqatigiinnut akisuallaassasoq, Tillie Martinussen suli isumaqarpoq.
- Mittarfiliortiteernissamut pilersaarut suli ataqatigiinngitsoq isumaqarpugut kalaallimmi akileraartartut kisimik taaarsersuisussaapput, Tillie Martinussen KNR-imut taama oqarpoq.
Taassuma pilersaarut ajutoorpat taarsigassallu inuiaqatigiit akilersorsinnaajunnaarpatigit qanoq pisoqassanersoq apeqquserpaa.
* Naalagaaffik Nuummi Ilulissanilu mittarfinnut 700 mio. koruuninik aningaasaliivoq. Naalagaaffiup taamaalilluni mittarfiit marluk 33,3 procentimik piginneqataaffigisinnaalerpai
* Den Nordiske Investeringsbankimit 450 mio. koruuninik atorniartoqarpoq, naalagaaffillu atornermut qularnaveeqqusiisuuvoq, taamaalilluni atukkanit erniat appasissinnaallutik.
* Naalagaaffik aningaasaliissutinik pisariaqartitat sinnerinut 450 millionit koruuninik erniakitsumik taarsigassarsisitsissaaq.
* Naalakkersuisut Naalagaaffillu 220 mio. koruuninik sanitigut aningaasaliipput, taakku Nunatsinni inuussutissarsiornerup ineriartortinneranut atorneqassapput.
AAMMA ATUARUK Múte isumaqatigiissut pillugu: Misilittakkat ilikkagaqarfigineqarsimanngillat
Naalagaaffik Nuummi Ilulissanilu mittarfinnut 700 millionit koruuninik aningaasaliivoq. Naalagaaffiup taamaalilluni mittarfiit marluk 33,3 procentimik piginneqataaffigisinnaalerpai.
Piginneqatigiinnissamik isumaqatigiissummi immikkoortut pingaarnerit ilagaat ingerlatseqatigiiffiup siulersuisui ataatsimeersuarnermi qinikkat tallimat arfineq-marlullu akornanni amerlassuseqassasut, Kalaallit Airports Holding A/S-ilu Namminersorlutik Oqartussanit tamakkiisumik pigineqartoq siulersuisuni ilaasortassanik sisamanik inassuteqassasoq, tassunga ilaallutik siulersuisuni siulittaasoq, danskillu naalagaaffiat siulersuisuni ilaasortassanik marlunnik inassuteqassasoq.
Aamma danskit naalagaaffiat arlalitsigut itigartitsisinnaatitaanissaa isumaqatigiissutigineqarpoq, soorlu kina siulersuisuni siulitaasussanersoq ingerlatseqatigiiffimmilu pingaarutilinnik allannguisoqassatillugu.
AAMMA ATUARUK Pakatsinartorujussuuvoq
AAMMA ATUARUK Piginneqatigiinnissamik isumaqatigiissut Kielsenip illersoraa
AAMMA ATUARUK Det er den bedst mulige ejeraftale
