Killiliisa: Suleqatigiissitsisut aningaasanik amerlanerusunik perusupput
Naalakkersuisut Killiliisamut aningaasaliussassatut illikartitai 4 mio. koruuniupput, anguniakkalli anguneqassappata aningaasanik amerlanerusunik pisariaqartut, Suleqatigiissitsisut oqariartuuteqarput.
- Ajornartorsiutit nungusarniarutsigit uanga isumaqarpunga piviusorsiornerussasoq 20 - 50 mio. koruunit aallarniutissatut tunniunneqarpata. Atornerlugaasimasummi atornerluisunngornissaminnut, aappariinnerliornermik, ilaqutariit iluanni inuunerlunnermik pinerluttuliornernilu qaneqqajaasarmata, tamakkualu qaangerniassagutsigit aningaasarpassuit pisariaqarput, Inatsisartunut ilaasortaq Suleqatigiissitsisuneersoq Tillie Martinussen, taama oqarpoq.
AAMMA ATUARUK Killiliisap kinguaassiutitigut atornerluisarnerit unitsissagai
Naalakkersuisut 2022-mi atornerluisoqartarunnaarnissaanik anguniagarissaaruteqarunik, Killiliisamut 4 mio. koruuniinnaat aningaasaliissutiginiarnerat ataqatigiinngitsoq, taanna isumaqarpoq. Taamaammat Isumaginninnermut Inatsisinillu atuutsitsinermut Naalakkersuisoq kaammattorpaa aningaasanik amerlanerusunik ujartueqqullugu.
- 4 mio. koruuniinnaat atorlugit meeqqanut atornerluisarnerup akiorniarnissaanut Naalakkersuisut qanoq ilillutik akiuiniarsinnaappat, tamanna uanga paasisinnaanngilara. Qularutissaanngilaq, Anthon Frederiksenip suliniut aningaasaliiffigineqarneroqqullugu ilungersornerujussuusariaqartoq, Tillie Martinussen taama oqarpoq.
AAMMA ATUARUK Perorsaanermi killiliisarneq iluaqutaasoq
Suleqatigiissitsisut maanna ersarissumik suli oqaatigisinnaanngikkallarpaat aningaasarpassuit taakku suminngaanniissanersut. Taamaattorli aningaasaqarnermut inatsisissap isumaqatigiinniutigineqarnissaa naatsorsuutigalugu.