Suleqatigiissitaq suli pilersinneqanngilaq
Dronning Ingridip Napparsimmaviani ilinniarsimasunik sulisussaaleqinerujussuaq qaangerniarlugu ukiup aallartinnerani suleqatigiissitamik pilersitsisoqassasoq, Ilaqutariinnermut Peqqissutsimullu Naalakkersuisoq, Naja Petersen decembarip arfernani Radioaviisimut oqarpoq. Suleqatigiissitarli suli pilersinneqanngilaq.
Allattoq Louise M. Kleemann
februaarip 05-at 2009 10:37
- Suleqatigiissitap suliassai aatsaat naammasseqqammerpavut, piaartumillu ataatsimiigiaqqusiumaarpugut, Ilaqutariinnermut Peqqissutsimullu qullersaqarfimmi pisortaq, Martha Lund Olsen, suleqatigiissitamik pilersitsiniarneq pillugu Atuagagdliutinut oqarpoq.
Suleqatigiissitamik pilersitsinissaq decembarimi aalajangiunneqarmat, Dronning Ingridip Napparsimmavissuani peqqissaasutut atorfiit 50-it inuttassaqanngillat, kingunerisaanillu immikkoortortat matuneqarput, pisariaqartitsisuinnarnillu pilattaasarneq atorneqalerluni.
Napparsimmavissuarmilu ilinniarsimasunik sulisussaaleqineq pillugu suli iliuuseqannginneq peqqissaasut siulittaasuata, Karin Hollerip, kamaatigigaa, Atuagalliutini allaaserineqarpoq.
