Suleqatigiinneq tusiakkaluartoq angusaqarfiuvoq

Siumup ilumini ajornartorsiutit naalakkersuisooqatigiit suleqatigiinnerannut ajoqutaapput, Inuit Ataqatigiit Inatsisartuni gruppiata siulittaasua Aqqaluk Lynge, Sermitsiamut taama oqarpoq.

- IA-p Siumullu naalakkersuisooqatigiinnerat ajunngilaq, Siumulli inatsisartuni gruppiani toqqissisimanngitsoqartarnera suleqatigiinnermut sunniuteqanngitsuunngilaq, Aqqaluk Lynge radioaviisimut erseqqissaavoq.

- Naalakkersuinikkut suleqatigiinneq ajunngilaq. Sermitsiamut oqaluttuarisimavara ilaatigut ajornartorsiutinik taamatut nalaataqartartugut, taamaattorli ataatsimut suleqatigiinneq uanga iluarisimaartorujusuuvara.

Siumulli iluani pisut IA-mut sunngiuteqanngitsuunngitsut inuiaqatigiinnullu sunniuteqartorujussuusut Aqqaluk Lynge oqarpoq.

- Taamaattumik suleqatigiittut akornanni ilumooqatigiilluni siunertat erseqqissumik illersornissaat pisariaqarpoq. Naalakkersuisullu siunniussaat inatsisartutigoortumik illersugassagut ataatsimuussutigisariaqarpagut.

Siumut Inatsisartuni gruppiani allanngorartoqartarnera maluginiarsimanerarpaa.

- Tamaattoqarneratigut uagut inissitsitsiortornissatsinnut allatut ajornartumik ilungersortariaqartarsimavugut Inatsisartuni anguniagassat naammassisassat eqqarsaatigalugit. Tamanna soorunami suleqatigiinnermi tusiannertut oqaatigineqarsinnaasoq Aqqaluk Lynge oqarpoq

- Tamaattorli ukiuni kingullerni politikkikut ajornartorsiutaasarsimasut eqqaassagutsigit, taakkulu naliliinermi ilaatillugit, taava isumaqarpunga Inuit Ataqatigiit Siumullu ullumikkumut angusaat ajunngilluinnartut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat