Suleqatigiilluni nannut misissorneqalersut

Misissuineq, Kalaallit Nunaanni Pinngortitaleriffik suleqatigalugu, ullumi aallartissaaq.

Kane Basin-imi nanoqatigiit immikkoortut, Nunavummit Kalaallit Nunaanniillu aqutseqatigiinnikkut suleqatigiissutigineqartut, amerlanngillat.

Ilisimatuut Nunavummi tusarniaanerat naammasseqqammerpoq, misissuinissamillu assorsuaq tapersiisoqarluni.

Paasissutissat 1993-ip 1997-illu akornanni pissarsiarineqartut takutippaat nanoqatigiit pineqartumi ikiliartorsimasinnaasut, paasissutissalli annertusineqarnissaannik pisariaqartitsisoqarpoq.

- Nuannaarutigalugu nalunaarutigissavara suleqatigiinnikkut misissuinissap paasitilluassammativut, nanoqatigiillu avitavut ikiliartuutaanngitsumik aqunneqarnissaat anguniarneqarmat, Nunavummi Naalakkersuisut siulittaasuat, Eva Ariak, aamma Naalakkersuisunut ilaasortaq, Ane Hansen, ataatsimoorlutik nalunaaruteqarput.

Ukiuni pingasuni misissuinissaq Canadap Kalaallit Nunaatalu nanoqatigiinnik aqutseqatigiinnissamut ataatsimiititaliaata periusissaannut ilaavoq, "Suleqatigiinnissamut Isumaqatigiissummut", "Memorandum of Understanding"-imut, nunanit taakkunannga marlunnit 2009-mi atsiorneqartumut, naapertuulluni.