"Sukkulaatiliorfik" alakkaruk
Tamannali Sisimiuni allanngortinniarneqarpoq
Illoqarfimmi atuilluartuunissamik suliniutit ilaattut, Sisimiormiut annanik eqqaavimmut takuniaanissamut unnugu nalunaaqutaq arfineq marluk qulingiluallu akornanni qaaqquneqarput.
Tamatumani imermik minguttumik saliinermi atortoq takutinneqassaaq, siunertarineqartoq tassaalluni siunissami erngup imaanut kuutsinneqannginnerani sananeqaatinik akuiarneqaqqaartarnissaa, soorlu saffiugassat oqimaatsut, fosfori kvælstoffillu piiarlugit.
- Issittumi universiteterput ARTEK suleqatigalugu imermik saliissutimik pilersitsigatta, tassanilu sananeqaatit ulorianaatillit piiarneqarsinnaapput, Hans Holt Poulsen immikkoortortami pisortaq oqarpoq.
- Taassuma imeq minguttoq tamakkerlugu suli salissinnaanngilaa, unnuguli inunnut takutinniagarput tassaavoq erngup minguttup isorujuttuinnaap saliisarfikkoortinneqarnermigut qanoq ililluni minguerutsinneqarsinnaanera, Hans Holt Poulsen oqarpoq.
- Saliinermi atortorissaarut ima akikitsigaaq piffissaq ungasinnerusoq isigalugu, nunatsinni illoqarfiit allat imermik minguttumik saliisinnaalissallutik, Hans Holt Poulsen oqarpoq, taanna unnugu saliinermi atortorissaarummik oqaluttuarnissamini ARTEK-imi ilinniartunit marlunnit ikiorserneqassaaq.
