Sukkortut ilimagisamit ikinnerupput
Innuttaasut peqqissusaannik misissuisarfiup nalunaarutigaa misissuinerup kingorna paasisimallugu kalaallit Danmarkimi najugallit nunatsinni najugalinnut sanilliullutik sukkornermik nappaateqalersinnaanerat qaffasinnerunngitsoq, tamanna ilisimatuut ilimagisimagaluarpaat.
Danmarkimi kalaallit 8000-t missaat najugaqarput taakkualu 10 procentiisa missaat sukkornermik nappaateqarlutik. Nunat killiit sunniisimanerat sakkortusimavoq ilimagisatuulli sakkortutigisimanngilaq.
Kalaallit Danmarkimi najugaqartut nunatsinni najugalinnut sanilliullutik ilinniagaqqortunerupput, akulikinnerusumik naatitartortarput akutturusumillu Danmarkimi najugallit akornanni pualavallaartartut naammattuugassaasarlutik. Tamatuma sukkornermik naappaateqarsinnaanerup sukkunillu arrotitserpiarsinnannginnerup Danmarkimi kalaallit akornanni nassaasaanera nassuiaatissaqartippaalusooq.
Misissuinerup inernerisa takutippaat, nunanut killernut nunasisut inuiaqatigiillu kalaallit siuarsarneqarneri inooriaatsimik allannguinerup kingunerisaanik sukkornermik nappaateqalersinnaaneq kisimi peqqutaaneq ajortoq.
Inuttut atugarissaarnerunissaq pitsaanerusumillu ilinniagaqarnernut aamma siuarsaaneq tunngaveqartarpoq – inooriaatsimik allannguinerup kingunerisaanik nappaateqalersinnaaneq pinngitsoortinniarneqarsinnaasarportaaq.
Maani nunatsinni innutaasut 10 procentiisa missaat ullumikkut sukkornermik nappaateqarput.
