Sukkornerup kinguneranik nappaatigineqartartut, soorlu
sianiutitigut aseruuttoorneq, tartulunneq taqqanillu qerattartoorneq, Nunatsinni takornartaajunnaartut, Nakorsaatit pillugit Kalaallit Nunaanni Suliffeqarfiup misissuisitsinerani nutaami erserpoq.
Kalaallit qallunaallu Nuummi Nakorsiartarfimmut nakorsiartarsimasut ilaatigut misissuiffigineqarsimapput.
Napparsimasut 68 procentii sukkornerup kinguneranik minnerpaamik ataatsimik nappaateqalersartut, misissuinermi paasineqarpoq.
Soorlu sianiutitigut aseruuttoortoqarsinnaavoq, tartuluttoqalerluni, puiguttorluni imaluunniit isigiarsuttoqalerluni - misissuinerillu takutippaat napparsimasoq kalaaliuppat qallunaajuppalluunniit assigiissoq.
Pualavallaarneq, pujortartarneq peqqinnanngitsunillu nerisaqarneq nappaatinut taakkununnga pissutaasinnaasoq misissuinermi paasineqarpoq.