Sukkornermik nappaateqartut amerliartuinnarput

Inuit 285 millionit sukkornermik nappaateqarput, ukiullu kingulliit pingasut ingerlaneranni 40 millioninik amerlisimallutik.Sukkornerup atugaaleraluttuinnarnera pillugu kisitsisit saqqummiunneqartut Nunatsinnut assingulluinnarput, tamaani sukkortut ukiut kingulliit pingasut ingerlaneranni 25 procentinik amerlisimammata.
Allattoq Mads Lynge
oktobarip 21-at 2009 15:07

Nunatsinni Inersimasut 600-t sukkornermik nappaateqartut paasineqartut, Dronning Ingridip Napparsimmavissuani nakorsiartarfimmi nakorsap Michael Lynge Pedersenip oqaatigaa, amerlanerusinnaanerallu ilimagalugu.

Type 2-diabetes nappaataavoq kingornunneqarsinnaasoq, inooriaatsimilli aallaaveqartumik aamma nappaataalersinnaalluni.

Sukkornerup nunarsuarmi atugaaleraluttuinnarnera, Sukkortut nunarsuaq tamakkerlugu kattuffiata IDF-ip ernummatigaa. Sukkornermik nappaateqalersartut 60 procentiisa missaat pinaveersaartitsinikkut pinngitsoortinneqarsinnaagaluartut, Nunarsuaq tamakkerlugu sukkortut kattuffiata oqaatigaa.

Sukkornerup qanoq atugaatiginera pillugu kisitsisit IDF-ip saqqummiuteqqammerpai. Sukkortut 95 procentii inooriaatsimik aallaaveqartumik sukkortuupput, type 2-diabetesimik aamma taaneqartarluni, sinnerilu inunnguuseralugu sukkortuullutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq