Sukkorneq iliuuseqarfigineqassaaq

Sukkornermik nappaateqarnerup pinaveersaartinneqarnissaanut katsorsarneqartarnissaanullu iliuusissatut pilersaarummik suliaqarnissamut peqqussuteqalernissaa Demokraatineersup Astrid Fleischer Rex-ip siunnersuutaa Inatsisartuni ullumi oqaluuserineqassaaq.

Astrid Fleischer Rexilli siunnersuutaata Inatsisartunit itigartinneqarnissaa naalakkersuisunit inassutigineqarpoq.

Peqqissutsimut naalakkersuisup Asii Chemnitz Narup-ip siunnersuutip itigartinneqarnissaanik inassuteqarnerminut tunngavilersuutigaa innuttaasut peqqissuaannut tunngatillugu Peqqissaqarfimmi maanna suliniuteqartoqareernera.

Asii Chemnitz Narup akissuteqaammini allappoq innuttaasut peqqissusaannut tunngatillugu maanna suliuniutaasoq, ullumikkut siunissamilu sukkornermik nappaateqarnerup pinaveersaartinneqarnissaanut katsorsarneqarnissaanullu pingaaruteqalersussaasoq.

Innuttaasut peqqissusaat pillugu suliniuteqarnermut atasutut assersuutigalugu oqaatigaa oktobarip aallaqqaataaniit pingajuat ilanngullugu Peqqissaanermik Ilinniarfimmi peqqinnisaqarfimmiit, nakorsanit, peqqissaasunit inuussutissanillu paasisimasalinnit peqataaffigineqartumik sammisaqartitsisoqarsimanera.

- Sammisaqartitsineq peqqinnissaqarfimmi sulisusut ilisimasaqarnerulernissaannut siunissamilu pinaveersaartitsinissamut katsorsaanissamullu suleriaqqinnissamut tapertaavoq isumassiorfiullunilu, Asii Chemnitz Narup tunngavilersorpoq.

Tamatumunnga atatillugu peqqissutsimut naalakkersuisup oqaatigaa nerisaqarnermut Siunnersuisooqatigiit siorna 2003-imi pilersinneqaqqittut, taakkualu anguniagassarigaat naalakkersuisooqatigiit siunniussaat Nerisaqarnermut inuunermullu tunngatillugu peqqinnissap erseqqissaavigineqarnissaa. Nerisaqarnermut Siunnersuisooqatigiit sukkornermik nappaateqalersarnermut sunniutaasinnaasut pillugit iliuusissanik pilersaaruteqartut, peqqissutsimut naalakkersuisoq oqarpoq.

Inuussutissat pillugit naalakkersuisut Nassuiaataat, Nerisaqarnermut Siunnersuisooqatigiit suleqataaffigisaat Inatsisartut ataatsimiinneranni aamma oqaluuserineqassaaq.

Meeqqat ukiukinnerusut nerisassaat peqqinnartut pillugit angajoqqaanut meeqqerivinnullu najoqqutassiassatut tunniussassat Nerisaqarneq pillugu Siunnersuisooqatigiit maanna aamma suliarigaat Asii Chemnitz Narup oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat