Sukkalisaarumatooq unitsitaasoq
Nuummi politiit biili marlunngorlutik Nuup ilaanut Nuussualiartariaqarsimapput, Nuummi innuttaasut ikinngitsut kalerriummassuk biili sukkavallaamik ingerlaarsimasoq takusimallugu.
Ajornartorsiutitaqanngitsumillu angut 19-nik ukiulik Nuussuup ilaani, kaajallattarissami Nunngarutip atinnguani unitsinneqarpoq. Angut imigassartorsimanngitsoq, angallannermili mianersugaalliorsimanini pissutigalugu 5.000 koruuninik akiligassinneqartoq Nuummi politiit KNR-imut nalunaarput.
Kinguninngualu biilimik ingerlatsisoq Politiinit oqaaqqissaarneqareerluni, biiliminik ingerlaqqissinnaasimavoq tamatumuuna arriinnerusumik ingerlalluni.