Suka K. Frederiksen sulileqqilersoq
Kræftimik nappaateqartoq aggustimi paasineqarmat, napparsimanerminut atatillugu qaammatini kingullerni pingasuni sulinngiffeqarpoq.
Naalakkersuisoq Karl-Kristian Kruse Suka K. Federiksenip akisussaaffigisaanik aggustip naalerneranit ullumikkumut paarlattaavoq.
AAMMA ATUARUK Suka K. Frederiksen napparsimasutut nalunaarutigineqartoq
Suka K. Frederiksenili maanna tassa suleqqilerpoq, Københavnimilu decembarip aallaqqaataanit ataatsimeersuarnermi peqataassalluni.
Tassanilu ilaatigut Naalagaaffiit Peqatigiit nunarsuarmi Issittumi Kalaallit Nunaannilu nunap iluani ataatsimoorussamik ataavartumik anguniagaasa 17-iusut piviusunngortinniarneri pillugit oqaaseqassalluni.
AAMMA ATUARUK Inuunerup qanoq erlinnartiginera paaseqqittutut-ikkaa
- Suliffinnut uteqqinnissannut qilanaarnikooqaanga. Piffissap ingerlasimanera nalorninarlunilu sakkortusimavoq, taamaattorli katsorsarneqarlungalu ikiorluarneqarnera qujamasuutigeqaara, Suka K. Frederiksen tusagassiuutinut nalunaarummi taama oqaaseqarpoq.
