Suiaqatiminoortut oqaluffimmi katissiinnaalissasut

Savalimmiuni suiaqatigiit katissinnaalernissaannik siunnersuut Lagtingimi ippassaani aappaassaaneerlugu suliarineqarami naaggaarneqarpoq.
Taamaakkaluartorli suliaq ataatsimiittitalianut utertinneqarpoq. Suliarinissaali sivisusinnaavoq, siunnersuutit qanoq sivisutigisumik suliarineqartarnissaannut malittarisassaqanngimmat.

Nunatsinnili suiaqatiminoortut oqaluffimmi katinnissaat periarfissanngulerpoq. Suiaqatiminoortummi oqaluffimmi katinnissaat inatsisitigut apriilip aallaaqaatani ajornarunnaassaaq.
Oqaluffiup siarngi aappariinut suiaqatiminoortunut ulloq taanna sianissapput.

- Pilluarnaqaaq, qilanaarnaqaaq aamma misigerusukkatsigut oqaluffimmi katilluta.
Laila Mølgaard taama oqarpoq oqaluffimmi katinneq pillugu.

Aamma atuaruk Suiaqatiminoortut oqaluffimmi katissinnaalerput meeqqallu annersarneqaqqusaajunnaarput

Nunatsinni apriilip aallaqqaataani katikkumasunik biskopeqarfimmut saaffinnginnittoqareersimavoq. Biskopeqarfiulli saaffinginnissimasut qassiunersut oqaatigisinnaanngilaat.

Laila nuliassanilu siullersanut ilaallutik katinniarput, taakkununngalu upperisaq inuttullu allatulli pisinnaatitaaffeqarneq pingaaruteqartuuvoq.

- Allatuulli katikkusukkatta aamma misigerusukkatsigut oqaluffimmi katilluta.
Laila Mølgaard taama nassuiaavoq.