Assi: European Parliament/Pietro Naj-Oleari

Suiaqatiminoortartut katissinnaanissaannut inatsisip atuutilernissaa kinguaqqittoq

Angutit anguteqatiminnik arnallu arnaqatiminnik katissinnaanissaat pillugu inatsisip akuerineqarnissaa, Folketingimut qinersisoqarnissaa pissutigalugu kinguartinneqaratarsinnaavoq.

Suiaqatiminoortartut katissinnaanissaannut inatsisip Folketingimit akuersissutigineqarnissaa, taamaalilluni ukioq manna oktobarip aallaqqaataanit atuutilersinnaaniassammat, Inatsisartut Folketingimut innersuussutiginikuugaluarpaat.
 
Inatsisissarli Folketingimi akuersissutigineqarnissaa aasaanerani sulinngiffeqartoqartussaanera pissutaalluni kinguartinneqaratarsinnaavoq. Folketingimi sulineq pisortatigoortumik oktobarimi marlunngornerit siullersaanni aallartittarpoq, suiaqatiminoortartullu katissinnaanissaat pillugu inatsisissaq oktobarimi aatsaat akuersissutigineqarsinnaassagunarpoq.

AAMMA ATUARUK Suiaqatigiit katittarnerat pillugu inatsit akuersissutigineqartoq

Inatsisissatut siunnersuut Folketingimi naammassillugu juunip ulluisa sisamaanni oqallisigineqartussaagaluarpoq, Folketingimulli qinikkat oktobarimi sulilerpata aatsaat oqallisigineqarsinnaassalluni.
 
Inatsisissap taamaasilluni ukioq manna oktobarip aallaqqaataani atuutilersinnaanissaa taamaammat ilimananngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat