Suiaqatigiit palasip kajumissutsiminik katitittassavai
- Imaappoq palasi nalunngeqatigiinnissutini tunngavigalugu katititsiumanngitsoq suiaaqatigiinnik pinngitsaalineqarsinnaangilaq, taamaattoqassappallu taava tassa provsti biskopilu attavigalugu aaqqiisoqarumaarpoq, biskop Sofie Petersen taama oqarpoq.
Palasi illoqarfimmini atuuffimmini assersuutigalugu suiaaqatigiinik katititsiumanngippat, palasimik illoqarfimmi allamiit tikisitsisoqartassasoq, biskoppeqarfimmi allafimmi pisortaq Morten Nornild oqarpoq.
Aamma atuaruk Suiaqatinoortut nuna tamakkerlugu peqatigiiffittaartut
Palasinillu katititsiumasoqartoq Sofie Petersen oqaatigaa.
- Tusakakka naapertorlugit katititsisoqarusuppoq.
Aamma atuaruk LGBT: Oqaluffimmi katissinnaalernerput nuannaarutigaarput
Katititsinermi rituaalit ilaat allanngussapput. Suiaaqatigiit katitinneqalerpata assersuutigalugu oqartoqartarunnaassaaq; uigiumaviut? Aappaanullu; nuliariumaviuk?
- Angut arnarlu pinngortippai, soorlu taanna atuagaq soorunami ilaanavianngilaq, biskoppi taama oqarpoq, oqaatigaalu katititsinermi oqaatsit allat atorneqartassasut.
- Illit iluamik aappariumaviuk, soorlu taamatut, biskop Sofie Petersen taama oqarpoq.