Suiaqamminik atoqateqartartunik isiginninneq pitsanngoriartorpoq

Suiaqamminnik atoqateqartartunik nunatsinni isiginninneq ukiut kingullit 15-it ingerlaneranni pitsanngoriartorsimavoq. Taama oqarpoq anguteqamminoortartoq Radioavisimi oqaloqatigisarput kinaanera nalunngisarput.
Allattoq Mads Lynge
juulip 28-at 2008 17:04

Taanna oqarpoq suiaqatigiittartunik nikassaasut tassaanerusartut inuusuttuaqqat paqummaseruttornerit aammalu inersimasut suiaqamminnoortalersinnaanermik aarleqquteqartut taamaammat taamaattuunginnerminnik uppernarsaaniartut ilumikkulli taamaattuullutik.

Oqaaseqartitarput isumaqarpoq nikiassaasarnerup sakkortussusaa atorneqarneraluunniit sumiiffimmiit sumiiffimmut assigiinngissinnaasoq nalilersorneqarsinnaasorlu.

Suiaqamminoortartoq oqarpoq inatsisiliorneq nikassaajunnaarsitsiniarnermi naammanngitsoq, oqallinnerli aamma pisariaqarluni – aamma suiaqatiminnoortartut peqataallutik oqaloqatiginninniartarnerisigut.

- Suiaqatiminnoortartut Danmarkimut qimaaginnarnianngikkunik pisussaapput ersarinnerusumik nassuiaassallutik, qaammarsaaginnarani oqaloqatigiinneruneq angusaqarfiunerusinnaammalluunniit -, suiaqamminoortartoq taama oqarpoq.