Suiaassuseqatiminnoortartut meerarsiartaarsinnaanngorput
Arnat angutillu suiaasssuseqatiminnoortartut, siunissami meerarsiartaarsinnaanerat Folketingimi marlunngormat akuersissutigineqarpoq. Folketingimut Nunatsinniit ilaasortaatitarput, Lars-Emil Johansen, inatsisissamut siunnersuummut akuersisunut ilaavoq.
Radioaviisimut oqarpoq.
Inatsisartut ukiaru ataatsimiilerpata inatsit saqqummiunneqassasoq Lars-Emil Johansenip ilimagaa.
Suiaassuseqatiminnoortartut meerarsiartaarsinnaanngornerat inatsisitigut atuutilerpat Danmark nunanut ikittunnguanut taama inatsiseqartunut ilaalissaaq.
Meerarsiartaarnissamut inatsisissamut siunnersuutip akuersissutigineqarnerata saniatigut arnat suiaassuseqatiminnoortartut aapparisatik meeraqarpata taakku aamma meerarsiartaarisinnaagaat akuersissutigineqarpoq.