Suiaassuseqatigiillutik atoqatigiittartut ataatsimeersuarput

Anguteqatiminoortartut arnaqatiminoortartullu nunani avannarlerni peqatigiiffiat ANSO sapaatip-akunnerani uani Thorshavnimi Savalimmiuniittumi ataatsimeersuartoqarnerani kalaaleq peqataavoq.

Anguteqatiminoortartut arnaqatiminoortartullu nunani avannarlerni peqatigiiffiat ANSO siorna aatsaat aallartinneqartoq, maanna ukiup aappassaa Savalimmiuni ataatsimeersuartitsivoq. Inuit 26-t peqataatinneqartut akornanni nunatsinniit Qamanerup siulittaasua Erik Olsen ataatsimeersuarnermi peqataavortaaq.

- Ataatsimeersuarnerup ingerlanera torrattupilussuuvoq, ilaatigut peqqinnissaq pillugu saqqummiisaqattaartoqarpoq, Erik Olsen oqarpoq.

Erik Olsen erseqqissaavoq, taama Savalimmiuni ataatsimeersuarnerup siunertarigaa, Savalimmiormiut anguteqatiminoortartunut arnaqatiminoortartunullu akuersinerulernissaanik angusaqarnissaq.

- Savalimmiormiut amerlasuut biibili malillugu inuupput, taamaattumik anguteqatiminoortartut arnaqatiminoortartullu akuersaarneqartaratik, Erik Olsen oqarpoq.

Erseqqissaavorli Savalimmiuni aviisit maanna ajunngitsumik allaaserinnillattaalersimasut.

Erik Olsen aperaarput, ataatsimeersuarneq nunatsinnut qanoq iluaqutaajumaarnersoq.

- Peqatigiiffik ANSO aatsaat aappassaa ataatsimeersuarpoq, siornatigut nunarput peqataaneq ajorpoq aatsaallu maanna peqataammat, nunarput aamma taamaalilluni takuneqarpoq, Erik Olsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat