Misissuineq: Suiaaqatiminoortuuneq inuup sananeqaataasa ilalisaataannik ataasiinnarmik aalajangerneqartanngitsoq

Kinguaassiuutitigut perusussutsip qanoq issusia inuup sananeqaatimikkut ilalisaataanit ataasiinnarmik aalajangerneqarneq ajorpoq, sananeqaatinilli assigiinngitsunit avatangiisiniillu pissutsit assigiinngitsut ataatsimoortinneranit aalajangerneqartarluni.
Kinguaassiuutitigut perusussutsip qanoq issusia inuup sananeqaatimikkut ilalisaataanit ataasiinnarmik aalajangerneqarneq ajorpoq, sananeqaatinilli assigiinngitsunit avatangiisiniillu pissutsit assigiinngitsut ataatsimoortinneranit aalajangerneqartarluni. Assi © : Ted Eytan / Flickr
Allattoq Ritzau
aggustip 30-at 2019 17:03
Nutserisoq Connie Fontain

Sananeqaatini ilalisaatinik Dna-mik misissuinerup nutaap tamanna inerneraa.

Misissuineq ilisimatuunit europamiunit amerikamiunillu suliarineqarpoq, ilisimatuussutsimullu tunngasumi atuagassiami, Sciencemi saqqummersinneqarluni. Ilisimatuut inuit millionit affangajaat ilalisaattaannik misissuiffigaat.

Suiaaqatiminoortartut immikkut ilalisaateqarnerarlugit eqqarsartariaatsip atorunnaarsinnissaa ilisimatuut misissuinerminni neriuutigaat.

Ilisimatuullu sananeqaatit ilalisaataasut assigiinngitsut tusindilippassuit pingaaruteqarsoraat. Amerlanerit annikinneeraarsuaramik. Ilalisaatit immikkut ittut tallimat inuup kinguaassiutitigut perusususiata qanoq ittuunerani ”pingaaruteqarput”.

Finlandimi Institut for Molekylærmedicinimi uumasusileritooq Andrea Ganna misissueqataasoq taama oqarpoq.

- Inuup sananeqaataani ilalisaatai tamaasa misissuataarpagut nassaaqarluarlutalu – eqqornerutissagaanni tallimat suiaaqatigisamik atoqateqarsimasut akornanni nassaarisagut – inuup kinguaassiutitigut perusussuiata qanoq ittuuneranut atassuteqartut ersaripput, Andrea Ganna oqarpoq.

Sananeqaatinili ilalisaatit taakkua tallimat ”sunniutikitsuararsuupput”.

Taamaammat ilalisaatinut atttumassuteqanngitsut soorlu peroriartorneq, inuttut qanoq ittuuneq perorsagaanerlu inuup kinguaassiutitigut perusussutsimigut qanoq ittuuneranut atatillugu pingaaruteqarluinnarput. Ilisimatuut misissueqataasut taama oqartut nutaarsiassaqartitsivik, Reuters allappoq.

Taama annertutigisumik aatsaat misissuisoqarpoq.

Inuit 477.522-t misissueqqissaarfigineqarput. Taakkunannga 26.827-t suiaaqatiminnik kinguaassiutitigut atoqateqarsimapput.

LBGT Danmarkip misissuineq pisariaqartariaqannginnerarpaa.

- Sananeqaatit ilalisaataat suiaaqatiminoortartut kinguaassiutitigut soqutigisaannut atassuteqarnersoq ilisimatusarfigissallugu pisariaqarnersoq paamitsassutigilaaqqaarpara.

- Aappaattut tamannami oqaatigiuakkatsinnik uppernarsaavoq. Tassa assigiinngitsunik soqutigisaqarsinnaanerput inuup qanoq ittuuneranut ilaaginnarpoq, LGBT-mi generalsekretæri, Susanne Branner Jespersen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq